صدر آصف علی زرداری کی آذربائیجان کے وزیر دفاعی صنعت سے ملاقات

صدر آصف علی زرداری کی آذربائیجان کے وزیر دفاعی صنعت وگار مصطفٰی یوو سے ایوان صدر میں ملاقات ہوئی  جس میں دونوں ممالک کے مابین تعاون بڑھانے پر اتفاق کیا گیا۔

صدر مملکت نے اس موقع پر کہا کہ پاکستان اور آذربائیجان کے درمیان تاریخی اور گہرے تعلقات ہیں، اور ان تعلقات کو مزید مستحکم کرنے کی ضرورت ہے۔

ملاقات میں دونوں ممالک کے درمیان تجارت، توانائی، فضائی اور عوامی روابط کے شعبوں میں تعاون بڑھانے کے حوالے سے گفتگو کی گئی۔

صدر نے پاکستان اور آذربائیجان کے مابین ثقافتی روابط اور عوامی وفود کے تبادلوں کو مزید فروغ دینے کی اہمیت پر بھی زور دیا۔

انہوں نے کہا کہ عوامی، سیاحتی اور تجارتی تعلقات کو بڑھا کر علاقائی اقتصادی تعاون کو فروغ دیا جا سکتا ہے۔