سہ فریقی ون ڈے کرکٹ سیریز کیلئے فول پروف سکیورٹی پلان تیار

سہ فریقی ون ڈے کرکٹ سیریز کیلئے فول پروف سکیورٹی پلان تیار کرلیا گیا۔

میڈیا رپورٹس کے مطابق پاکستان، نیوزی لینڈ، جنوبی افریقا کرکٹ سیریز کی سکیورٹی کیلٸے فوج اور رینجرز تعینات کرنے کا فیصلہ کیا گیا ہے۔ پی سی بی کی درخواست پر فوج کی خدمات لی جائیں گی۔

فوج اور رینجرز کی تعیناتی کی باضابطہ منظوری وفاقی کابینہ سے لی جائے گی۔ سہ فریقی ون ڈے کرکٹ سیریز کیلٸے فول پروف سکیورٹی پلان تیا کرلیا گیا ہے۔ باوثوق ذرائع کے مطابق وفاقی حکومت سے فوج اور رینجرز کی تعیناتی کی درخواست کی ہے جس پر ایونٹ کے کامیاب انعقاد کیلٸے حکومت وفاقی کابینہ کی منظوری سے فوج اور رینجرز تعینات کرے گی۔

وفاقی کابینہ کی منظوری سے آئین کے آرٹیکل 245 کے تحت پاک فوج اور انسداد دہشتگردی ایکٹ 1997 کے تحت رینجرز کی تعیناتی کی جائے گی۔

خیال رہے کہ سہ فریقی ون ڈے سیریز کا آغاز 8 فروری سے ہوگا جس کے دو میچز لاہور اور دو کراچی میں ہوں گے۔

سیریز کا پہلا میچ پاکستان اور نیوزی لینڈ کے درمیان لاہور جبکہ فائنل 14 فروری کو نیشنل اسٹیڈیم کراچی میں کھیلا جائےگا۔