26 نومبر  احتجاج:عدالت کا بشریٰ بی بی کو شامل تفتیش کرکے رپورٹ پیش کرنے کا حکم

اسلام آباد:ایڈیشنل سیشن جج اسلام آباد نے ڈی چوک احتجاج کے مقدمے میں تفتیشی افسر کو بشریٰ بی بی کو شامل تفتیش کرکے رپورٹ پیش کرنے کا حکم دیدیا۔
بشریٰ بی بی کے وکلا نے آج ایڈیشنل سیشن جج اسلام آباد کی عدالت میں 26 نومبر کو پی ٹی آئی کے جتھے کے اسلام آباد میں غیر قانونی داخلے اور احتجاج کے مقدمے میں ضمانت قبل از گرفتاری کی درخواست دائر کی۔
عدالت عالیہ نے تفتیشی افسر کو ہدایت دی کہ وہ اڈیالہ جیل جا کر بشریٰ بی بی کو شامل تفتیش کرے اور 17 فروری تک اپنی رپورٹ پیش کرے۔
یہ مقدمہ بشریٰ بی بی پر Peaceful Assembly and Public Order Act 2024 (امن عامہ ایکٹ)اور اسلام آباد ہائی کورٹ کے حکم کی واضح خلاف ورزی کے الزام میں درج کیا گیا ہے، جس کی سزا تین سال تک قید ہو سکتی ہے۔
خیال رہے کہ گذشتہ روز اسلام آباد ڈسٹرکٹ سیشن عدالت نے ڈی چوک میں احتجاج کے دوران درج مقدمہ میں بشری بی بی کی عبوری درخواست ضمانت میں 17 فروری تک توسیع کی تھی۔
بانی پی ٹی آئی کی اہلیہ 190 ملین پاؤنڈ کیس میں گرفتار ہو کر سینٹرل جیل اڈیالہ میں قید ہیں اور 26 نومبر کے تمام مقدمات میں عبوری ضمانت پر ہیں۔