بانی پی ٹی آئی کی رہائی کیلئے امریکایا کسی اور ملک کی مدد کے طلب گار نہیں،بیرسٹر گوہر

اسلام آباد: پاکستان تحریک انصاف (پی ٹی آئی ) کے چئیر مین بیرسٹر گوہر خان کا کہنا ہے کہ بانی پی ٹی آئی کی رہائی کے لیے امریکہ یا کسی دوسرے ملک کی مدد کے طلب کار نہیں،انہوں نے کہا کہ بانی پی ٹی آئی عدالتوں میںمقدمات کا سامنا کر کے باہر آئیں گے۔
اسلام آبادمیں میڈیا سے گفتگو کرتے ہوئے چیئرمین پاکستان تحریک انصاف بیرسٹر گوہر نے کہا کہ بانی پی ٹی آئی نے کوئی ڈیل کی ہے نہ کریں گے، انہوں نے مزید کہا کہ بانی پی ٹی آئی قانونی طریقے سے عدالتوں سے ریلیف حاصل کریں گے۔
میڈیا سے گفتگو کرتے ہوئے چیئرمین پی ٹی آئی گوہر خان کا کہنا تھا کہ بانی پی ٹی آئی کی رہائی کے لیے امریکہ یا کسی دوسرے ملک کی مدد کے طلب گار نہیں ہے،انہوں نے کہا کہ بانی نے کہا تھا کہ وہ ڈیل کے لیے نہیں پاکستان اور جمہوریت کیلئے مذاکرات کررہے ہیں۔
چیئرمین پی ٹی آئی کا کہنا تھا کہ آج ملک بھرمیں پی ٹی آئی کے کارکن اور لوگ احتجاج کے لیے نکلے ہیں۔