تحریک انتشار والے ہمارے نہیں بلکہ پاکستان کے مخالف ہیں، وفاقی وزیرعطا تارڑ
دنیا کے مالیاتی ادارے اس بات کا اعتراف کر رہے ہیں کہ مہنگائی کم ہوئی ہے۔ اسٹاک مارکیٹ اوپر گئی اور آئی ٹی برآمدات میں اضافہ ہوا ہے،عطا تاڑر


لاہور:وفاقی وزیر اطلاعات و نشریات عطا تارڑنے کہا کہ تحریک انتشاروالےہمارے نہیں بلکہ پاکستان کے دشمن ہیں، تحریک انتشار والے شہدا کی بے حرمتی کرتے ہیں، کہتے ہیں9 مئی پرکمیشن بناؤ تمہاری کرتوتیں پوری قوم دیکھ چکی۔
لاہور میںایک جلسے سے خطاب کرتے ہوئے وفاقی وزیر اطلاعات عطا اللہ تارڑ نے کہا کہ آج مسلم لیگ ن کی حکومت کو ایک سال ہو گیا۔ اور ہم عوام سے کیے وعدے پورے کر رہے ہیں۔انہوں نے کہا کہ ملک میں مہنگائی کی شرح کم ہوئی ہے اور معیشت کے اشارے مثبت ہیں۔
وفاقی وزیرنے کہاہے کہ آرمی چیف نےحب الوطنی اورمحنت کیساتھ معاشی سفر میں کردارادا کیا، آرمی چیف جنر ل عاصم منیر پاکستان کوترقی کےسفر پر لے کرگئے۔عطاتاڑر نے مزید کہا کہ بین الاقوامی سطح، سفارتی محاذ پردنیا پاکستان کی تعریف کرتی ہے، تمام حلقوں میں دیکھ لیں کام ہوتے نظرآئیں گے، پہلے سال یہ عالم ہے 5سال بعد حلقے کی شکل بدلی ہوگی، ایک سال میں شہبازشریف نے معیشت کوپروان چڑھایا۔
جلسے سے خطاب کرتے ہوئے انہوں نے کہا کہ حلقے کے عوام کے لیے بڑھ چڑھ کر کام کر رہے ہیں۔ پی ٹی آئی والے کہتے تھے ملک ڈیفالٹ ہوجائے گا۔ لیکن اب دنیا کے مالیاتی ادارے اس بات کا اعتراف کر رہے ہیں کہ مہنگائی کم ہوئی ہے۔ اسٹاک مارکیٹ اوپر گئی اور آئی ٹی برآمدات میں اضافہ ہوا ہے۔
انہوںنے کہا کہ یہ بدبخت ہمارے نہیںبلکہ پاکستان کےمخالف ہیں، یہ شرطیں لگاتے تھے کہ ملک ڈیفالٹ کر جائے گا، لیکن اب پاکستان کا شمار دنیا کی بہترین معیشتوں میں ہونا شروع ہو گیا ہے۔ اور ہماری اسٹاک مارکیٹ دنیا کی بہترین اسٹاک مارکیٹوں میں سے ایک ہے۔
حکومت عوام سےکیےگئےوعدےپورے کررہی ہے۔
اپنے خطاب میں عطا تاڑر کا کہنا تھا کہ یہ ایک ٹیم ورک ہے جس میں شہباز شریف کو بھرپور سپورٹ حاصل رہی۔ اور ہمیں سکھایا گیا تھا کہ جو سرحدوں کا محافظ ہے وہ عزت کے لائق ہے۔
انہوں نے کہا کہ دھاندلی کا جھوٹا رونا ہے لیکن اس کے ثبوت کہاں ہیں؟ اور عوام نے پی ٹی آئی کی جھوٹ کی سیاست کو مسترد کر دیا ہے۔ پی ٹی آئی نے 4 سال کھوکھلے نعروں کی بنیاد پر حکومت چلائی۔
وفاقی وزیرعطاتارڑنے کہا کہ کبھی کہاجاتا تھا کہ الیکشن کے بعد ہمیں بھول جائیں گے، میں الیکشن جیت کربھی آج آپ لوگوں کے درمیان کھڑاہوں، میری والدہ حلقےکےعوام کی خدمت میں مصروف عمل ہیں، یہ وہ رشتہ نہیں کہ ووٹ مانگنے آجاؤں پھر5سال بعدملاقات کروں، آپ کا بھائی، ساتھی اوردوست بن کرہمیشہ آپ کےدرمیان رہوں گا۔

پولیس افسران کی ترقیوں کے خلاف پنجاب حکومت کی اپیلیں خارج
- 12 دن قبل

پشاور میں نادرا کا اسسٹنٹ ڈائریکٹر فائرنگ سے جاں بحق
- 12 دن قبل

راولپنڈی: گھر سے خاتون اینکر ربیعہ احسن کی گولی لگی لاش برآمد
- 11 دن قبل

پیٹرول اور ڈیزل کی قیمتوں میں کمی کا اعلان
- 13 دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 10 دن قبل

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 12 دن قبل

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 11 دن قبل
پہلے ایل پی جی اوراب بجلی بم گرا دیا گیا
- 12 دن قبل

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 12 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 10 دن قبل

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 دن قبل

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 12 دن قبل



