ملک کے بیشتر اضلاع میں آج موسم سرد اور خشک رہے گا،محکمہ موسمیات

لاہور: ملک کے بیشتر اضلاع میں آج موسم خشک اور سرد رہے گا، جبکہ بالائی علاقوں میں ہلکی برفباری اور بارش کا امکان ہے۔
محکمہ موسمیات کے مطابق اسلام آباد میں موسم سرد اور خشک رہنے کا امکان ہے،پنجاب کے اضلاع بہاولپور، ملتان، ڈیرہ غازی خان، رحیم یار خان میں بھی موسم سرد رہے گا جبکہ ان اضلاع میں دھند کا بھی امکان ہے۔
 مری، گلیات اور گردونواح میں سردی کی شدت برقرار رہے گی،جبکہ سندھ کے بیشتر اضلاع میں موسم خشک رہنے کا امکان ہے۔
محکمہ موسمیات کا کہنا ہے کہ بلوچستان کے علاقے قلعہ عبداللہ، ژوب،مستونگ اور قلات میں بارش کا امکان ہے۔ تاہم بلوچستان کے شمالی اضلاع میں سردی کی شدت برقرار رہے گی۔
گلگت بلتستان میں بھی چند مقامات مقامات پر بارش و برفباری کا امکان ہے۔ محکمہ موسمیات کے مطابق آزاد کشمیر میں موسم شدید سرد اور مطلع جزوی ابرآلود رہنے کا امکان ہے۔
 جبکہ خیبر پختونخوا کے بیشتر اضلاع میں موسم سرد اور خشک رہے گا۔ تاہم چترال، دیر اور گردونواح کے چند مقامات پر بارش و برفباری متوقع ہے۔