سونے کی قیمت میں سینکڑو ں روپے اضافہ، فی تولہ کتنے کا ہوگیا؟

کراچی:کاروباری ہفتے کے دوسرے روزعالمی اور مقامی مارکیٹوں میں سونا آج پھر مہنگا ہوگیا۔
آل پاکستان جیمز اینڈ جیولرز ایسوسی ایشن کے مطابق آج منگل کے روز 24 گرام سونے کی فی تولہ قیمت میںایک ہزار روپے کااضافہ ہوا ہے جس کے بعد ملک میں 24 گرام سونے کی نئی قیمت  3 لاکھ 4 ہزار 200 روپے کی سطح پر آ گئی۔
اسی طرح فی 10گرام سونے کی قیمت میں 857روپے کا اضافہ ہوا ہے جس کے بعد مقامی مارکیٹوں میں دس گرام سونے کی قیمت  2لاکھ 60ہزار 802روپے کی سطح پر آگئی۔
بین الاقوامی بلین مارکیٹ میں فی اونس سونے کی قیمت میں 10ڈالر کا اضافہ ہونے سے نئی عالمی قیمت 2910ڈالر کی سطح پر آگئی ۔
خیال رہے کہ گزشتہ روز بھی عالمی مارکیٹ میں فی اونس سونے کی قیمت 17ڈالر کے اضافے سے 2ہزار 900ڈالر کی سطح پر آ گئی تھی جب کہ مقامی مارکیٹ میں فی تولہ سونے کی قیمت ایک ہزار 700روپے اور فی 10 گرام سونے کی قیمت میں ایک ہزار 458روپے کا اضافہ ریکارڈ ہوا تھا۔