محکمہ موسمیات کی پنجاب اور خیبر پختونخواہ میں بارشوں کی پیشگوئی

محکمہ موسمیات نے کل سے پنجاب اور خیبرپختونخوامیں بارشوں اورپہاڑوں پر برفباری کی پیشن گوئی کی ہے۔

محکمہ موسمیات کے ترجمان کے مطابق مری' گلیات اور دوسرے پہاڑی علاقوں میں بارشیں ہونے اور برفباری کا امکان ہے جبکہ پنجاب کے بیشتر اضلاع میں بوندا باندی کا امکان ہے۔

ادھر خیبرپختونخوا کے آفات سے نمٹنے کے صوبائی ادارے نے بھی کل سے جمعرات تک صوبے کے بالائی پہاڑی علاقوں میں بارشوں اور برفباری کا انتباہ جاری کیا ہے۔

اس عرصے میں کسی بھی مالی و جانی نقصان سے بچنے کے لئے حفاظتی اقدامات کی غرض سے تمام ڈپٹی کمشنروں کو ہدایات جاری کر دی گئی ہیں۔