رنز مشین ویرات کوہلی نے ون ڈے کیرئیر میں 14 ہزار رنز مکمل کرلیے

دبئی: بھارت کے مایہ ناز بلے باز اور رنز مشین ویرات کوہلی نے ون ڈے کرکٹ میں اپنے 14 ہزار رنز مکمل کر کے نیا اعزاز اپنے نام کر لیا ہے۔
ویرات کوہلی نے اپنے ون ڈے کیرئیر میں مجموعی طور پر 298 میچز کھیلے ہیں جن میں انھوں نے 286 اننگز میں 14 ہزار سے زائد مکمل کر لیے ہیں۔ کوہلی کی ون ڈے کیرئیر میں 50 سنچریاں اور 73 نصف سنچریاں ہیں جس میں 152 چھکے اور 1311 چوکے شامل ہیں۔
ویرات کوہلی نے یہ اعزاز آج دبئی میں پاکستان کے خلاف کھیلے جانے والے میچ میں اپنے نام کیا۔

ویرات کوہلی ایک روزہ میچز میں14 ہزار رنز کرنے والے دنیائے کرکٹ کے تیسرے بلے باز بن گئے ہیں ، اس سے پہلے ایک روزہ میچز میں 14 ہزار اسکور کرنے کا ریکارڈ ماسٹر بلاسٹر سچن ٹنڈولکر اور سری لنکا کے مایہ ناز بلے باز کمار سنگاکارا کے نام ہے جنہوں نے بالترتیب 350 اور 378 اننگز میں یہ کارنامہ سرانجام دیا تھا۔