سونے کی قیمتوں میں کمی کا سلسلہ جاری، فی تولہ کتنا سستا ہوا؟

کراچی:عالمی و مقامی مارکیٹوں میں سونے کی قیمتوں میں کمی کا سلسلہ جاری ہے۔
آل پاکستان جیمز اینڈ جیولرز ایسوسیشن کے مطابق آج ہفتے کے روز سونے کی قیمت میں فی تولہ 500روپے کی کمی ہوئی جس کے بعد24 گرام سونے کی قیمت 3 لاکھ روپے ہو گئی ہے۔
اسی طرح 10 گرام سونا بھی438 روپے سستا ہو کر 2 لاکھ 57 ہزار 201 روپے کا ہوگیا ہے۔
 دوسری جانب عالمی مارکیٹ میں بھی سونے کی قیمت میں کمی آئی ہے، جہاں سونا 6 ڈالر سستا ہو کر 2857 ڈالر فی اونس کا ہوگیا ہے۔
واضح رہے کہ گزشتہ روز بھی سونے کی قیمت میں2500 روپے کی کمی ہوئی تھی،جبکہ اس سے ایک روز قبل سونے کی قیمت میں 3300روپے کی ریکارڈ کمی واقع ہوئی تھی۔