اسٹیٹ بینک کی جانب سے رمضان کے لیے بینکوں کے اوقات جاری

اسٹیٹ بینک کی جانب سے رمضان کے لیے بینکوں کے اوقات جاری  کردیئے گئے۔

تفصیلات  کے مطابق اسٹیٹ بینک کی جانب سے جاری کردہ اعلامیے میں کہا گیا ہے کہ دفتری اوقات پیر تا جمعرات صبح 9 بجے سے سہ پہر 3 بجے تک بغیر کسی وقفے کے ہوں گے۔

بینکوں کے دفتری اوقات جمعہ کو صبح 9 بجے سے دوپہر ساڑھے 12 تک بغیر کسی وقفے کے ہوں گے۔

اسٹیٹ بینک کے ترجمان کے مطابق تمام بینکس، ترقیاتی مالی ادارے اور مائیکرو فنانس بینکس اوقات کار پر عمل کریں گے۔ 

ترجمان کا کہنا ہے کہ پبلک ڈیلنگ کے لیے اوقات کار پیر تا جمعرات صبح 9 تا دوپہر 2 بجے تک بغیر کسی وقفے کے جاری رہیں گے۔