سونے کی فی تولہ قیمت میں 4800 روپے کا اضافہ

پاکستان میں آج سونے کی فی تولہ قیمت میں 4800 روپے کا اضافہ ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے دوسرے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق پاکستان میں فی تولہ سونا تاریخ کی بلند ترین سطح پر پہنچ گیا، سونے کی فی تولہ قیمت 4800 روپے اضافے کے بعد 3 لاکھ 6 ہزار 300 روپے ہوگئی ہے۔

عالمی صرافہ مارکیٹ میں سونا 47 ڈالرز اضافے سے  2916 فی اونس کی سطح پر آگیا جبکہ چاندی کی فی تولہ قیمت 45 روپے اضافے سے 3315 روپے ہوگئی۔

اس کے علاوہ 10 گرام سونے کی قیمت 4115 روپے اضافے کے بعد 2 لاکھ 62 ہزار 602 روپے ہوگئی ہے۔