عالمی اور مقامی مارکیٹوں میں سونا سستا ،فی تولہ کتنے کا ہو گیا؟

کراچی:عالمی اور مقامی مارکیٹوں میں سونے کی قیمت کم ہو گئی۔
آل پاکستان جیمز اینڈ جیولرز ایسوسی ایشن کےمطابق مقامی صرافہ بازاروں میں جمعرات کے روز 24 قیراط کے حامل فی تولہ سونے کی قیمت میں 3 ہزار روپے کی کمی دیکھی گئی ہے جس کے بعدسونے کی نئی قیمت 3 لاکھ 4 ہزار روپے فی تولہ ہو گئی ہے۔
اسی طرح فی 10 گرام سونے کی قیمت میں 2571روپے کی کمی ہوئی ہے جس کے بعد مقامی بازاروں میں دس گرام سونے کی نئی قیمت  2لاکھ 60ہزار 630روپے کی سطح پر آگئی ہے۔
دوسری جانب عالمی بلین مارکیٹ میں فی اونس سونے کی قیمت میں 28ڈالر کی کمی ہوئی ہے جس کے بعدسونے کی نئی عالمی قیمت 2893ڈالر کی سطح پر آگئی ہے ۔
خیال رہے کہ گزشتہ روز سونے کی عالمی اور مقامی مارکیٹوں میں قیمت بڑھ گئی تھی، جس کے نتیجے میں عالمی مارکیٹ میں 5 ڈالر کے اضافے سے سونا 2921 ڈالر فی اونس پر پہنچ گیا تھا جب کہ مقامی مارکیٹ میں 700 روپے فی تولہ کا اضافہ ہوا تھا۔