اقوام متحدہ اسلامو فوبیا سے نمٹنےکیلئے خصوصی نمائندہ مقرر کر ے گا:منیر اکرم

اقوام متحدہ میں پاکستان کے مستقل مندوب منیر اکرم نے کہا ہے کہ اقوام متحدہ کے سیکرٹری جنرل اسلام مخالف پراپیگنڈے سے نمٹنے کی کوششوں کی قیادت کیلئے جلد ایک خصوصی نمائندہ مقرر کریں گے۔

انہوں نے اسلام مخالف پراپیگنڈے سے نمٹنے کے عالمی دن کے موقع پر اپنے پیغام میں کہا کہ پاکستان اور اسلامی تعاون تنظیم کے رکن ممالک سیکرٹری جنرل اور ان کے خصوصی نمائندے کے ساتھ ملکر اسلام مخالف پراپیگنڈے سے نمٹنے کیلئے جامع لائحہ عمل وضع کریں گے۔