عالمی ومقامی مارکیٹوں میں سونا سستا ہو گیا

کراچی: ملکی تاریخ کی بلند ترین سطح پر پہچنے کے بعد پاکستان میں سونے کی قیمت میں معمولی کمی ریکارڈ ہوئی ہے۔
آل پاکستان جیمز اینڈ جیولرز ایسوسی ایشن کے مطابق آج ہفتے کے روزمقامی مارکیٹوںمیں سونے کی فی تولہ قیمت 300 روپے کمی کے بعد 3 لاکھ 13 ہزار 700 روپے ہو گئی ہے۔
اسی طرح دس گرام سونے کا بھاؤ 257 روپے کم ہو کر 2 لاکھ 68 ہزار 947 روپے ہے۔
دوسری جانب عالمی بازار میں سونے کا بھاؤ 4 ڈالر کم ہوکر 2984 ڈالر فی اونس ہے۔
خیال رہے کہ گزشتہ روز پاکستان میں سونے کی قیمت گزشتہ روز 4700 روپے اضافے کے بعد تاریخ کی بلند ترین سطح پر پہنچی تھی۔