گورنر سندھ کی منظوری کے بعد کریمنل پراسیکیوشن ایکٹ میں ترمیمی بل نافذ العمل

گورنر سندھ کی منظوری کے بعد کریمنل پراسیکیوشن ایکٹ میں ترمیمی بل نافذ العمل ہوگیا۔

گورنر سندھ کامران خان ٹیسوری نے سندھ کریمنل پراسیکیوشن ایکٹ 2025 کی منظوری دے دی جس کے بعد یہ قانون فوری طور پر نافذ العمل ہوگیا ہے۔

اس قانون کے تحت پراسیکیوٹرز اور دیگر تمام ممبران کو پراسیکیوٹر جنرل کے ماتحت کردیا گیا ہے تاکہ قانونی کارروائیوں میں یکسانیت اور شفافیت کو یقینی بنایا جاسکے۔

ماہرین کے مطابق اس ترمیمی بل کا مقصد سندھ میں فوجداری مقدمات کے پراسیکیوشن نظام کو مزید مؤثر بنانا اور انصاف کے عمل کو تیز کرنا ہے۔

سندھ اسمبلی نے کریمنل پراسیکیوشن سروس ترمیمی ایکٹ 2025 کی منظوری دی جس میں اہم ترامیم شامل کی گئی ہیں۔