سپریم کورٹ میں گذشتہ 5 ماہ میں زیر سماعت مقدمات کی تعداد میں 3 ہزار سے زائد کیسز کی کمی

سپریم کورٹ میں گذشتہ 5 ماہ میں زیر سماعت مقدمات کی تعداد میں 3 ہزار سے زائد کیسزکی کمی  ہوگئی ۔ 

گذشتہ سال نومبر میں 1487 نئے کیسز دائر ہوئے ،2901 کیسز نمٹائے گئے، دسمبر 2024 میں 1115 نئے کیسز دائر ہوئے، 2458 کیسز نمٹائے گئے۔

رپورٹ کے مطابق اکتوبر 2024 میں سپریم کورٹ میں زیر التو ا مقدمات کی تعداد 59 ہزار 784 تھی، جبکہ گذشتہ سال اکتوبر میں 1089 نئے کیسز دائر ہوئے، 1847کیسز نمٹائے گئے۔

جنوری 2025 میں 1909 نئے کیسز دائر ہوئے ،2192 کیسز نمٹائے گئے، فروری 2025 میں 1394 نئے کیسز دائر ہوئے 2069 کیسز نمٹائے گئے، سپریم کورٹ میں اس وقت 56 ہزار سے زائد مقدمات زیر التوا ہیں۔