لیلتہ القدر  کی رات اللہ کا قرب اور بخشش مانگنے کا سنہرا موقع فراہم کرتی ہے ، اسپیکر قومی اسمبلی

اسپیکر قومی اسمبلی سردار ایاز صادق نے کہا کہ لیلتہ القدر  کی رات اللہ کا قرب اور بخشش مانگنے کا سنہرا موقع فراہم کرتی ہے۔

اسپیکر قومی اسمبلی سردار ایاز صادق نے لیلتہ القدر کے موقع پر پیغام دیتے ہوئے کہا کہ لیلتہ القدر وہ رات ہے جس میں قرآنِ پاک نازل ہوا، یہ بابرکت رات ہزار مہینوں سے افضل، رحمتوں اور مغفرت کا بہترین ذریعہ ہے۔

اسپیکر قومی اسمبلی ایاز صادق نے کہا کہ یہ مقدس رات خود احتسابی، توبہ اور اللہ کی رضا حاصل کرنے کا نادر موقع ہے، ان بابرکت رات کی گھڑیوں میں ہمیں اپنے وطنِ عزیز کی ترقی و خوشحالی کے لیے بھی خصوصی دعاؤں کا اہتمام کرنا چاہیے، پاکستان کو درپیش چیلنجز کے حل کے لیے اسلامی تعلیمات پر عمل ضروری ہے۔

انہوں  نے مزید یہ بھی کہا کہ لیلتہ القدر میں شہداء کو اپنی دعاؤں میں یاد رکھیں، ہمارے شہداء ہمارا فخر ہیں جن کی قربانیوں کو کبھی فراموش نہیں کیا جاسکتا۔

اسپیکر قومی اسمبلی کا کہنا تھا کہ ہمیں اپنے ملک میں اتحاد اور یکجہتی کو فروغ دینا ہوگا، تاکہ ہم ایک خوشحال پاکستان کی تعمیر کرسکیں۔