پنجاب آرٹس کونسل کا عیدالفطر پر تھیٹر میں بڑھتی ہوئی فحاشی اور عریانی کے سدباب کے لیے سخت اقدامات کا فیصلہ

لاہور شادمان میں واقع پنجاب کونسل آف دی آرٹس کے ہیڈ آفس میں صحافیوں کو دئیے گئے افطار ڈنر سے خطاب کرتے ہوئے ایگزیکٹو ڈائریکٹر پنجاب آرٹس کونسل تنویر ماجد نے کہا کہ چند روز قبل تھیٹرز مالکان سے ملاقات ہوئی جس میں انہوں نے فحاشی سے پاک ڈرامے پیش کروانے کی یقین دہانی کروائی۔

ان مالکان سے حلف نامے لیے گئے ہیں جبکہ کیمروں کے ذریعے سخت مانیٹرنگ بھی کی جا رہی ہے مزید کہا کہ فحاشی پھیلانے کی مرتکب اداکاراؤں پر پابندی برقرار ہے .

 یہ عید پر کسی صورت ڈرامہ نہیں کر سکیں گی اگر عید کے دوران کوئی بھی تھیٹر خلاف ورزی کا مرتکب پایا گیا تو اسکے خلاف قوانین کے مطابق کارروائی ہو گی ایگزیکٹو ڈائریکٹر پنجاب آرٹس کونسل نے مزید کہا کہ سینسر ریہرسل بھی مکمل دیکھی جا رہی ہے اور مکمل چھان بین کے بعد ڈرامہ اسکرپٹ پاس کیا جائے گا ۔