ساہیوال میں پسند کی شادی کرنیوالے نوجوان کے گھر پر 25 سے زائد مسلح افراد کا حملہ

ساہیوال:پنجاب کے ضلع ساہیوال پسند کی شادی کرنے والے نوجوان کے گھر پر 25 سے زائد مسلح افراد نے حملہ کر دیا۔
تفصیلات کے مطابق یہ واقعہ ساہیوال کے نواحی گاؤں میں پیش آیا جہاں ایک لو میرج کرنےوالے نوجوان کے گھر پر مسلح افراد نے حملہ کر دیا، ملزمان نےگیٹ توڑ گھر میںداخل ہوئے توڑ پھوڑ اور فائرنگ کی اور ماں بیٹی سمیت 1 سالہ پوتی کو اغوا کر کے لے گئے۔
ذرائع نے بتایا کہ ملزم منیر کی بیٹی سے زہرہ بی بی کے بیٹے نے پسند کی شادی کی تھی۔
دوسری جانب ڈی پی او ساہیوال نے واقعے کا نوٹس لے کر مغویوں کی جلد بازیابی کا حکم دے دیا،ڈی پی او کا کہنا ہے کہ اغواکاروں کو جلد گرفتار کر کے مغویوں کو بازیاب کروایا جائے گا۔