حسن علی کا بڑا اعزاز،پی ایس ایل میں سب سے زیادہ وکٹیں لینے والے باؤلر بن گئے

کراچی:پاکستان سپر لیگ کی ٹیم کراچی کنگز کے فاسٹ باؤلر حسن علی پی ایس ایل کی تاریخ میں سب سے زیادہ وکٹیں حاصل کرنے والے باؤلر بن گئے۔
حسن علی نے پی ایس ایل میں وہاب ریاض کا ریکارڈ توڑ دیا، وہ پی ایس ایل کی تاریخ میں سب سے زیادہ وکٹیں لینے والے باؤلر بن گئے۔
سٹ باؤلر حسن علی نے یہ اعزاز گزشتہ روز کوئٹہ گلیڈی ایٹرز کے خلاف میچ میں حاصل کیا،جس میں انہوں نے کوئٹہ کے خلاف شاندار باؤلنگ کرتے ہوئے میچ میں 3 وکٹیں حاصل کیں۔
گزشتہ روز کوئٹہ گلیڈی ایٹرز کے خلاف انہوں نے تین کھلاڑیوں کو آؤٹ کیا، جس کے ساتھ ان کی وکٹوں کی مجموعی تعداد 116 ہو گئی۔
فاسٹ باؤلر حسن علی نے پی ایس ایل کی 84 اننگز میں سب سے زیادہ 116 وکٹیں حاصل کر لی ہیں۔ اس سے قبل سب سے زیادہ وکٹوں کا ریکارڈ وہاب ریاض کے پاس تھا انہوں نے 87 اننگز میں 113 وکٹیں حاصل کی تھیں۔