نیپرا نے بجلی 83 پیسے فی یونٹ مزید مہنگی کرنے کی منطوری دے دی

جی این این کے مطابق حکومت نے بجلی کی قیمتوں میں ایک بار پھر اضافہ کر دیا ، بجلی کی قیمتوں میں اضافہ سہ ماہی بنیادوں پرکیا گیا۔ نیپرا کی جانب سے جاری فیصلے کے مطابق بجلی کی قیمتوں میں 83 پیسے فی یونٹ مزید اضافہ کی منطوری دی گئی ہے اور یہ اضافہ 2019-20 کےلیے ایڈجسٹمنٹ کی مد میں کیا گیا، تاہم بجلی کے صارفین پر84 ارب روپے کا اضافی بوجھ پڑے گا۔ 

بجلی کی قیمتوں میں اضافہ ایک سال کےلیے کیا گیا، اضافے کا اطلاق حکومت کی جانب سے نوٹی فیکیشن جاری ہونے کےبعد ہوگا۔ کے الیکڑک اورلائف لائن صارفین اضافے سے مستثنی رہیں گے۔ 

واضح رہے کہ حکومت نے گزشتہ ماہ بھی بجلی کی قیمتوں میں 1 روپے 6 پیسے فی یونٹ کا اضافہ کیا تھا ، نیپرا کی جانب سے جاری نوٹیفکیشن میں بتایا گیا تھا کہ  بجلی کی قیمتوں میں اضافہ ماہانہ فیول ایڈجسٹمنٹ کی مد میں کیا گیا ہے، جس کے تحت اکتوبرکے لئے 29 پیسے اورنومبر کے لئے76 پیسے فی یونٹ اضافہ کیا گیا ہے، قیمتوں میں اضافے کے بعد صارفین پر8 ارب 40 کروڑروپے کا اضافی بوجھ پڑے گا۔