امریکہ نےمیانمار کی فوجی حکومت پر نئی پابندیاں لگا دیں

غیر ملکی خبر رساں ادارے رائٹرز کے مطابق امریکی صدر جوبائیڈن نے کہا ہے کہ وہ ایک ایگزیکٹو آرڈر جاری کر رہے ہیں جس کے تحت میانمار کے فوجی جرنیل امریکہ میں موجود ایک ارب ڈالر کے اثاثوں تک رسائی حاصل نہیں کر سکیں گے۔امریکی صدر نے اس بات کا بھی واضح طور پر عندیہ دیا کہ وہ اس سلسلے میں مزید اقدامات بھی کر رہے ہیں۔جو بائیڈن نے کہا کہ ’فوج کو اقتدار سے علیحدہ ہو جانا چاہیے اور برما کے لوگوں کی مرضی کا احترام کرنا چاہیے۔

واضح رہے کہ گذشتہ ہفتے میانمار کی فوج نے تصدیق کی کہ اس نے ملک کا کنٹرول سنبھال لیا ہے اور نیشنل لیگ آف ڈیموکریسی کی رہنما آنگ سان سوچی اور دیگر رہنماؤں کو حراست میں لیا گیا ہے۔فوج نے ایک بیان میں کہا کہ ملک میں ایک سال کے لیے ہنگامی حالات کا نفاذ کر دیا گیا ہے۔ فوج بغاوت کے بعد میانمار میں لاکھوں افراد سڑکوں پر نکل کر احتجاج کر رہے ہیں۔