بھارتی وزیر اعظم کی کابینہ میں شامل 12 وزراء مستعفی

غیر ملکی خبر رساں ادارے کے مطابق  بھارتی وزیراعظم  نریندر مودی نے مزید 36 وزرا کو کابینہ میں شامل کرلیا ہے جس کے بعد بھارتی کابینہ کے ارکان کی تعداد 77 تک پہنچ گئی ہے۔

بھارتی وزیر صحت ہرش وردھن نے بھی استعفی دے دیا ہے، وزیر صحت کورونا وائرس کے باعث ہونے والی اموات پر شدید تنقید کی زد میں تھے جس کی وجہ سے انہیں مستعفیٰ ہونا پڑاہے۔ان کے ساتھ ساتھ استعفی دینے والوں میں روی شنکر وزیر برائے آئی ٹی، رمیش پوکھریال وزیر برائے تعلیم، سنتوش گانگوار وزیر برائے محنت و افرادی قوت شامل ہیں ۔

غیر ملکی خبر رساں ادارے کے مطابق نریندر مودی کی کابینہ میں بڑے پیمانے پر ردوبدل اور وزرا کا مستعفیٰ ہونا آئندہ سال ہونے والے ریاستی انتخابات کی کڑی ہے۔