مانسہرہ : جیپ کھائی میں گرنے سے4 افراد جاں بحق،متعدد زخمی

مانسہرہ: صوبہ خیبر پختونخوا کے ضلع مانسہرہ میں جیپ کھائی میں گر گئی، جس کے نتیجے میں 4 افراد جاں بحق اور 8 افراد زخمی ہو گئے۔
تفصیلات کے مطابق یہ حادثہ مانسہرہ میں سنڈھی جبوڑی کے قریب پیش آیا جہاں ایک جیپ گہری کھائی میں جا گری،جس کے نتیجے میں 4 افراد جاں بحق اور 8 افراد زخمی ہو گئے۔
ریسکیو ذرائع کے مطابق حادثے میں جاں بحق ہونے والوں میں ایک بچی اور 3 خواتین شامل ہیں۔
 زخمیوں کو فوری طور پر کنگ عبداللہ ا ہسپتال منتقل کر دیا گیا جہاں ان کی حالت تشویش ناک بتائی جا رہی ہے۔
ریسکیو ذرائع کے مطابق جیپ سنڈھی سے جبوڑی کی جانب آ رہی تھی کہ یہ حادثہ پیش آیا، ریسکیو ٹیموں نے موقع پر پہنچ کر امدادی کارروائیاں شروع کر دیں۔ 
دوسری جانب پولیس کا بتانا ہےکہ حادثہ جیپ کے بریک فیل ہونےکےباعث پیش آیا۔