کراچی کنگزکی ملتان سلطانز کو 87 رنز سے شکست

پی ایس ایل کے 20 ویں میچ میں کراچی کنگز نے ملتان سلطانز کو 87 رنز سے شکست  دیدی ۔

ٹاس جیت کر پہلے بیٹنگ کرتے ہوئے کراچی کنگز نے ملتان سلطانز کو 4 وکٹوں کے نقصان پر204 رنزکا ہدف دیا۔

کراچی کنگز کی جانب سے جیمس ونس نے 65،عرفان خان 44، خوشدل  13 بالز پر 33  جبکہ ڈیوڈ وانر 30 رنز بنا کر نمایاں رہے۔

کراچی کنگز 204 رنز کے ہدف کے تعاقب میں ملتان سلطانز 16.1 اوورز میں  117 رنز بنا کر آؤٹ ہوگئی، یاسر خان 26 اور کامران غلام 29 رنز بنا کر نمایاں رہے ، کپتان رضوان صفر پر پویلین واپس لوٹ گئے ۔

ملتان سلطانز کے بالر کراچی کنگزکے صرف 4 کھلاڑیوں کو پویلین واپس بھیج پائے، عبید شاہ نے 2 ، ڈیود ویلی اور کرنٹس چیمپر نے ایک ایک وکٹ حاصل کی ۔