پاک بھارت کشیدگی: پاکستان اسپورٹس بورڈ کا ٹیموں کو بھارت نہ بھیجنے کا فیصلہ

لاہور: حالیہ پاک بھارت کشیدگی کے بعد سے دونوں ممالک کے درمیان بگڑتی ہو ئی صورتحال اور سیکیورٹی تناظر میں پاکستان اسپورٹس بورڈ نے بھارت میںہونے والے کسی بھی مقابلے میں شرکت نہ کرنے کا فیصلہ کیا ہے۔

تفصیلات کے مطابق پاکستان اسپورٹس بورڈ نے تمام قومی فیڈریشن کو بھارت میں کھیلوں کے مقابلوں پر حامی بھرنے پر پابندی لگا دی ہے۔

اس حوالے سے پاکستان اسپورٹس بورڈ کی جانب سے باقاعدہ طورپر نوٹیفکیشن بھی جاری کردیاگیا ہے۔

جاری کرد ہ نوٹیفکیشن کے مطابق پاکستان نے سکیورٹی وجوہات کی بنا پر تمام کھیلوں کی ٹیموں کو بھارت جانے سے روک دیا۔
 نوٹیفکیشن میں مزید کہا گیا ہے کہ کوئی بھی اسپورٹس فیڈریشن پاکستان اسپورٹس بورڈ کی اجازت کے بغیر بھارت میں ہونے والے کسی اسپورٹس ایونٹ میں شرکت نہیں کرے گا۔

نوٹیفکیشن میں کہا گیا ہے کہ فیڈریشنز بھارت میں کھیلوں میں شرکت سے قبل پی ایس بی سےمشاورت کرنا ہو گی۔

 ترجمان اسپورٹس بورڈ کے مطابق یہ فیصلہ 23 جولائی کو منعقدہ پی ایس بی بورڈ کے اجلاس میں کیا گیا،جبکہ نوٹیفکیشن میں مدت کا تعین نہیں کیا گیا ہے۔

واضح رہے کہ پاکستان اسپورٹس بورڈ کی جانب سے جاری کردہ نوٹیفکیشن کےبعد اب قومی ہاکی ٹیم ایشیا ہاکی کپ میں شریک نہیں ہوسکے گی۔