وزیر اعظم شہباز شریف کی ایف بی آر میں عالمی معیار کے ڈیجیٹل ایکوسسٹم کی منظوری

وزیراعظم شہباز شریف نے فیڈرل بورڈ آف ریونیو(ایف بی آر) مین جاری اصلاحاتی عمل کے تحت جدید اور عالمی معیار کے ڈیجیٹل ایکوسسٹم کی منظوری دے دی ہے۔
 تفصیلات کے مطابق انہوں نے ہدایت دی کہ صرف ڈیجیٹائزیشن نہیں بلکہ پورا ڈیجیٹل ایکوسسٹم تشکیل دیا جائے جو خام مال کی تیاری، درآمد، مصنوعات کی مینوفیکچرنگ اور صارف کی خریداری تک ویلیو چین کا احاطہ کرے۔ 
وزیر اعظم نے اس مقصد کے لیے عالمی شہرت یافتہ ماہرین کی خدمات لینے کی ہدایت بھی جاری کر دی ہے۔ 
انہوں نے کہا کی اس نظام سے ٹیکس بیس میں اضافہ اور غیر رسمی معیشت کا خاتمہ ممکن ہو گا، جس سے عام آدمی پر ٹیکس کا بوجھ کم کرنے کا ہدف حاصل کیا جا سکے گا۔ 
اجلاس میں وفاقی وزرا محمد اورنگزیب،  چئیر مین ایف بی آرراشد محمود لنگڑیال،احد خان چیمہ، وزیرِ مملکت بلال اظہر کیانی،چیف کوآرڈینیٹر مشرف زیدی، معاشی ماہرین اور دیگر حکام نے شرکت کی اور جدید ڈیجیٹل نظام کی پیش رفت پر بریفنگ دی۔