مکہ مکرمہ: ہیروئن اسمگلنگ کے جرم میں ایک پاکستانی شہری کو سزائے موت دےدی گئی

سعودی حکومت نے ہیروئن اسمگلنگ کے جرم میں ایک پاکستانی شہری کو مکہ مکرمہ میں سزائے موت دے دی گئی۔

غیر ملکی خبر ایجنسی کے مطابق سعودی وزارت داخلہ نے بیان جاری کیا ہےکہ مکہ مکرمہ میں منشیات اسمگلنگ کے جرم میں مجرم کو سزائے موت دے دی گئی۔

وزارت داخلہ کی جانب سے جاری بیان میں مزید کہا گیا ہے کہ پاکستانی شہری بختیار زیب مملکت میں ہیروئن اسمگلنگ کرنےکے جرم میں گرفتار ہوا تھا،جس پر مجاز عدالت نے مجرم کو سزائے موت سنائی تھی جسے سپریم کورٹ نے بھی برقرار رکھا۔

سعودی وزارت داخلہ کے مطابق  مجرم کو اتوار کے روز  مکہ مکرمہ میں سزائے موت دے دی گئی۔