شکار پور : ریلوے ٹریک پر دھماکا ، جعفر ایکسپریس کی 3 بوگیاں پٹڑی سے اتر گئیں

شکار پور: صوبہ سندھ کے شہر شکار پور سے کچھ فاصلے پر ریلوے ٹریک پر دھماکہ ہوا ہے جس کے نتیجے میں جعفر ایکسپریس کی تین بوگیاں پٹڑی سے اترگئیں۔

ریلوے ذرائع کے مطابق ٹریک پر دھماکا صبح 10 بج کر 20 منٹ پر ہوا، جس کے باعث جعفر ایکسپریس کی 3 بوگیاں پٹڑی سے اتر گئیں۔

ڈی ٹی اوریلوے کے مطابق جعفر ایکسپریس پشاور سے کوئٹہ جا رہی تھی ، سلطان پور کے قریب ٹریک پر دھماکے کے باعث حادثے کا شکار ہو گئی ، دھماکے کے بعد ٹرینوں کی روانگی معطل ہو گئی ہے۔

دھماکے میں جانی نقصان کی اطلاع موصول نہیں ہوئی تاہم امدادی ٹیمیں متاثرہ ٹریک کی جانب روانہ کر دی گئی ہیں۔

ریلوے حکام کا کہنا ہے کہ ٹریک کی بحالی میں 10 گھنٹے لگ سکتے ہیں۔

 دوسری جانب  وزیراعلیٰ سندھ  مراد علی شاہ نے ٹریک پر دھماکے کا نوٹس لیتے ہوئے تحقیقات کا حکم دیدیا اور زخمیوں کو فوری طبی امداد فراہم کرنے کی ہدایت کر دی۔

انہوں نے حکم دیا کہ واقعے کے ذمہ داروں کو قانون کے کٹہرے میں لایا جائے گا، دھماکا ریاست کے خلاف کارروائی ہے، کسی کو معاف نہیں کیا جائے گا۔