چین : طوفانی بارشوں سے 30 شہری ہلاک، 80 ہزار لوگ نقل مکانی پر مجبور

بیجنگ: چین کے دارالحکومت بیجنگ میں شدید بارشوں اور سیلاب سے 30 افراد ہلاک ہوگئے،جبکہ ہزاروں افراد نقل مکانی پر مجبور ہوگئے۔

غیر ملکی میڈیا رپورٹس کے مطابق ہلاکتوں کی سب سے زیادہ تعداد شہر کے شمال مشرقی مضافاتی ضلع می یُن میں ریکارڈ کی گئی، جس کے نتیجے میں 30افراد جاں بحق اور 80 ہزار لوگ نقل مکانی پر مجبور ہوگئے ہیں۔

 ریسکیو حکام نے کئی لوگوں کو محفوظ مقامات پر پہنچانا شروع کردیا ہے، جبکہ سیلاب کی وجہ سے متعدد سڑکیں بند اور کئی دیہاتوں کو بجلی کی سپلائی معطل ہےجس سے معاملات زندگی بری طرح متاثر ہو رہے ہیں۔

دوسری جانب چینی صدر شی جن پنگ نے حکم دیا ہے کہ ریسکیو آپریشن تیز کیا جائے تاکہ زیادہ سے زیادہ لوگوں کو بچایا جاسکے۔