وفاقی کابینہ کی حج پالیسی 2026 کی منظوری، سرکاری کوٹہ 70 فیصد کر دیا گیا

اسلام آباد: وزیراعظم شہباز شریف کی زیر صدارت وفاقی کابینہ کے اجلاس میں حج پالیسی 2026 کی منظوری دے دی گئی۔

ذرائع کے مطابق اجلاس کے دوران کابینہ نے ایجنڈے پر موجود متعدد دیگر امور کی بھی منظوری دی۔

حج پالیسی کے تحت سرکاری اسکیم کے تحت حج کوٹہ 70 فیصد جبکہ پرائیویٹ اسکیم کا کوٹہ 30 فیصد مقرر کیا گیا ہے۔

ذرائع نے بتایا کہ وزارت مذہبی امور کی جانب سے 60 فیصد سرکاری اور 40 فیصد پرائیویٹ کوٹے کی تجویز دی گئی تھی، تاہم وزیراعظم نے فیصلہ کیا کہ سرکاری کوٹہ بڑھا کر 70 فیصد کر دیا جائے۔

2026 کے لیے سرکاری حج اخراجات کا تخمینہ ساڑھے 11 لاکھ سے ساڑھے 12 لاکھ روپے کے درمیان لگایا گیا ہے۔