آرمی چیف نے پاک افغان بارڈر پر جوانوں کے ساتھ عید منائی

آئی ایس پی آر کے مطابق آرمی چیف نے جوانوں کے بلند حوصلے اور مادر وطن کے دفاع کے عزم کو سراہا، پاک افغان بارڈر پر باڑ لگانے کے عمل کی تعریف بھی کی ۔

جنرل قمر جاوید باجوہ نے فارمیشن کی آپریشنل  تیاری اور بارڈر سکیورٹی انتظامات کو سراہا ۔اس موقعہ پر آرمی چیف نےکہا کہ سرحدوں کی سکیورٹی یقینی بنانا پاک فوج کےعزم کا اعادہ ہے ۔

انہوں نے مزید کہا کہ ہم وطن کے دفاع کےلئے ہمہ وقت تیار  ہیں، تمام خطرات سے پاکستان کا دفاع ہر قیمت پر کریں گے ۔ آرمی چیف  نے فارمیشن  کی سماجی  و اقتصادی منصوبے کیلئے سول انتظامیہ  سے تعاون کی تعریف بھی کی ۔