قصور:ڈپٹی کمشنرکا عید کے موقع پر ڈی ایچ کیو ہسپتال، دارالامان اور ڈسٹرکٹ جیل کا دورہ

تفصیلات کے مطابق ڈپٹی کمشنر آسیہ گُل کا کہنا تھا کہ میری طرف سے اہلیان قصور کو عید مبارک ، آج کے دوروں کا بنیادی مقصد کمزور اورنادار طبقے کو بھی عید کی خوشیاں میں شامل کرنا مقصود ہے۔

ڈپٹی کمشنر نے ڈسٹرکٹ جیل میں شجرکاری مہم کے تحت پودا بھی لگایا، انہوں نے کہا کہ ضلعی انتظامیہ پوری طرح سے شہریوں کی خدمت کیلئے فیلڈ میں موجود ہے ،تمام تحصیلوں میں متعلقہ اسسٹنٹ کمشنر اپنی نگرانی میں آلائشوں کو ٹھکانے لگارہے ہیں ۔

شہریوں سے التماس ہے کہ صفائی ستھرائی کو فعال رکھنے کیلئے ضلعی انتظامیہ کا ساتھ دیں ، شہری قربانی کے جانوروں کی آلائشوں کو ضلعی انتظامیہ کی جانب سے قائم کردہ کلیکشن سینٹرز پر پہنچائیں ۔

ان کا مزید کہنا تھا کہ صفائی ستھرائی کے حوالے سے کسی بھی شکایت کی صورت میں شہری انتظامیہ سے رابطہ کریں ، کورونا کی چوتھی لہر کے پیش نظر شہریوں سے التماس ہے کہ کوروناایس او پیز پر عمل درآمد کو یقینی بنائیں ۔