لینڈ سلائیڈنگ کے باعث بند شاہراہ قراقرم کو ٹریفک کیلئے کھول دیا گیا

 پاک فوج کے شعبہ تعلقات عامہ (آئی ایس پی آر)  کے مطابق فرنٹیئر ورکس آرگنائزیشن نے حالیہ بارشوں اور لینڈ سلائیڈنگ کے باعث 20 مختلف مقامات  پر بند قراقرم ہائی وے کو ہر طرح کی ٹریفک کے لئے کھول دیا۔ گلگت بلتستان میں شدید بارش سے شاہراہ مٹی کے تودہ گرنے سےبلاک ہوئی تھی ، موسلا دھار بارشوں کے باعث قراقرم ہائی وے تتہ پانی سے رائے کوٹ کے علاقے تک  20 مقامات  پر بھاری تودوں، کیچڑ سے بند ہو گئی تھی۔ ایف ڈبلیو او نے شدید موسم اور دشوار گزار علاقوں کے باوجود شاہراہ کو کلیئر کیا۔

آئی ایس پی آر کے مطابق فرنٹیئر ورکس آرگنائزیشن (ایف ڈبلیو او )کی کوششوں سے تمام  20 مقامات پر ٹریفک بحال کر دی گئی ہے ۔