معیشت بہتری کی طرف گامزن،اسٹیٹ بینک کے ذخائر میں مزید 2 کروڑ سے زائد ڈالرز کا اضافہ

کراچی : حکومت کی معاشی پالیسیوں کی بدولت ملکی معیشت بہتری کی طرف گامزن ہےایک ہفتے کے دوران اسٹیٹ بینک کے ذخائر میں بڑا اضافہ ہو گیا ہے۔

اس حوالے سے اسٹیٹ بینک کی جانب سے زرمبادلہ ذخائر کی رپورٹ جا ری کر دی گئی ہے۔

جاری کر دہ رپورٹ کے مطابق ایک ہفتے کے دوران اسٹیٹ بینک کے ذخائر میں 2 کروڑ 7 لاکھ ڈالرز کا اضافہ ہوا ہے،جس کے بعد اسٹیٹ بینک  کے ذخائر بڑھ کر 14 ارب 44 کروڑ ڈالر ہو گئے ہیں۔

اسی طرح  مرکزی بینک کی رپورٹ کے مطابق کمرشل بینکوں کے ذخائر 2 کروڑ 6 لاکھ ڈالرزکم ہوئے ہیں،کمرشل بینکوں کے پاس مجموعی طور پر ذخائر 5 ارب 36 کروڑ ڈالرز ہیں، ملکی مجموعی ذخائر ایک لاکھ ڈالر اضافے سے 19 ارب 81 کروڑ ڈالرز ہو گئے ہیں۔

دوسری جانب معاشی ماہرین کا کہنا ہے کہ زرمبادلہ ذخائر میں یہ اضافہ درآمدی ادائیگیوں کے دباؤ میں کمی اور ترسیلاتِ زر میں بہتری کا نتیجہ ہے جو ملکی معیشت کے لئے ایک مثبت اشارہ ہے۔