کابینہ کا وزیراعظم کو غزہ معاہدے میں کردار پر خراجِ تحسین

اسلام آباد: وفاقی کابینہ نے وزیراعظم شہباز شریف کو غزہ جنگ بندی معاہدے میں اہم کردار ادا کرنے پر شاندار خراجِ تحسین پیش کیا۔ اجلاس کے دوران وزرا نے وزیراعظم کی شرم الشیخ، مصر میں دی گئی تقریر کو سراہتے ہوئے ڈیسک بجا کر داد دی۔

وزیراعظم کی زیرصدارت اجلاس میں انہوں نے کہا کہ شرم الشیخ میں پاکستان کو عالمی سطح پر عزت و تکریم ملی، اور اللہ کا شکر ہے کہ پاکستان کو امن کی کوششوں میں ایک اہم مقام حاصل ہوا۔ انہوں نے کہا کہ دنیا پاکستان کو اب ایک سنجیدہ اور مؤثر کردار ادا کرنے والے ملک کے طور پر دیکھ رہی ہے۔

قانون سازی سے متعلق فیصلے کابینہ نے کابینہ کمیٹی برائے قانون سازی (CCLC) کے 23 ستمبر، 8 اکتوبر اور 10 اکتوبر 2025 کے اجلاسوں میں کیے گئے متعدد فیصلوں کی توثیق کر دی، جن میں شامل ہیں .

ٹریڈ آرگنائزیشن رولز 2013 میں ترمیم: خواتین چیمبرز آف کامرس کے لائسنس اور تجدید فیس میں کوئی اضافہ نہیں ہوگا۔

انٹر بورڈ کوآرڈینیشن کمیشن ایکٹ 2023 میں ترمیم: تمام تعلیمی بورڈز میں خواتین کی نمائندگی کم از کم 33% ہوگی۔

جموں و کشمیر، کراچی پورٹ، گوادر پورٹ، اور پورٹ قاسم ایکٹس کو نئے ایس او ایز ایکٹ 2023 سے ہم آہنگ کیا گیا۔

پاکستان ڈیجیٹل اتھارٹی رولز 2025 کی توثیق۔

ادارہ شماریات کی گورننگ کونسل میں ترامیم منظور , آرمڈ فورسز نرسنگ سروسز رولز 1969، سول انمینڈ ایئرکرافٹ رولز 2025، اور پاسپورٹ امینڈمنٹ رولز 2021 میں بھی ترامیم منظور کر لی گئیں۔