گزشتہ روز بڑے اضافےکے بعد سوناآج اچانک ہزاروں روپے سستا،فی تولہ کتنے کاہوگیا؟

کراچی: عالمی و مقامی مارکیٹوں میں مسلسل کئی روز کے اضافے کے بعد آج سونے کی قیمتوں میں نمایاں کمی ریکارڈ کی گئی ہے۔

آل پاکستان جیمزاینڈجیولرز ایسوسی ایشن کے مطابق ہفتے کے روز سونے کی فی تولہ قیمت 10 ہزار 600 روپے کمی کے بعد 4 لاکھ 46 ہزار 300 روپے ہو گئی۔

ایسوسی ایشن کے مطابق اسی طرح دس گرام سونے کی قیمت 9ہزار 088روپے گھٹ کر 3لاکھ 82ہزار 630روپے کی سطح پر پہنچ گئی۔

دوسری جانب عالمی بلین مارکیٹ میں فی اونس سونے کی قیمت یکدم 106 ڈالر کی بڑی کمی سے 4ہزار 252 ڈالر کی سطح پر آگئی۔

خیال رہے کہ گزشتہ روز ملک میں ایک ہی دن میں سونے کی فی تولہ قیمت میں 14 ہزار 100 روپے کا اضافہ ہوا تھا جس کے بعد قیمت 4 لاکھ 56 ہزار 900 روپے کی بلند ترین سطح کو چھو گئی تھی۔