خیبرپختونخوا کابینہ کی تشکیل پر مشاورت مکمل، وزرا کے ناموں کا اعلان جلد متوقع

خیبرپختونخوا کابینہ کی تشکیل کے حوالے سے مشاورت کا عمل مکمل ہو گیا ہے، اور ذرائع کے مطابق ایک یا دو روز میں وزرا کے ناموں پر مشتمل اعلامیہ جاری کیے جانے کا امکان ہے۔

کے پی اسمبلی سے وابستہ ذرائع نے بتایا ہے کہ ابتدائی مرحلے میں 8 سے 10 اہم وزارتوں کے لیے وزرا کے ناموں کا اعلان کیا جائے گا۔ دیگر محکموں کے لیے کابینہ ارکان کے نام پاکستان تحریک انصاف کے بانی سے ملاقات کے بعد حتمی شکل دیے جائیں گے۔

ذرائع کا مزید کہنا ہے کہ مجوزہ کابینہ میں تجربہ کار اور نئے چہرے دونوں شامل کیے جا رہے ہیں۔ وزرا کے تقرر کا مقصد اہم سرکاری معاملات میں تعطل سے بچاؤ اور انتظامی سرگرمیوں کا تسلسل برقرار رکھنا ہے۔