سابق سینیٹر مشتاق احمد خان کی تحریک تحفظ آئین پاکستان میں شمولیت

اسلام آباد: سابق سینیٹر مشتاق احمد خان نے اپوزیشن اتحاد تحریک تحفظ آئین پاکستان میں شمولیت کی دعوت قبول کر لی ہے۔ اس اتحاد کی قیادت محمود خان اچکزئی اور علامہ راجہ ناصر عباس کر رہے ہیں۔

اتحاد کے اعلیٰ سطحی وفد نے اسلام آباد میں مشتاق احمد خان کی رہائش گاہ پر ملاقات کی، جہاں انہیں نہ صرف عالمی صمود فلوٹیلا میں شرکت پر مبارک باد دی گئی بلکہ تحریک تحفظ آئین پاکستان میں شمولیت کی باقاعدہ دعوت بھی دی گئی۔

اتحاد کی جانب سے جاری اعلامیے کے مطابق، سابق سینیٹر نے اپوزیشن اتحاد کا حصہ بننے پر آمادگی ظاہر کر دی ہے اور وہ جلد اس حوالے سے باقاعدہ اعلان کریں گے۔