افغان حکومت کی تبدیلی میں پاکستان کا کوئی کردار نہیں: خواجہ آصف

وزیر دفاع خواجہ آصف نے کہا ہے کہ افغانستان میں حکومت کی تبدیلی سے پاکستان کا کوئی تعلق نہیں، اور اس حوالے سے لگائے گئے الزامات بے بنیاد ہیں۔

انہوں نے واضح کیا کہ پاکستان افغان معاملات میں مداخلت نہیں چاہتا بلکہ ایک مہذب پڑوسی بن کر رہنا چاہتا ہے۔ انٹرویو میں انہوں نے امریکا پر طالبان حکومت کے خلاف سازش کے الزام کو بھی مسترد کیا۔

انہوں نے کہا کہ افغانستان کو بھارت سمیت کسی سے بھی تعلقات قائم کرنے کا حق حاصل ہے، جب تک ان سے پاکستان کو خطرہ نہ ہو۔ خواجہ آصف نے بتایا کہ حالیہ دوحہ مذاکرات میں طے پایا ہے کہ ترکیہ اور قطر ضامن ہوں گے کہ افغان سرزمین سے ٹی ٹی پی کو کارروائی کی اجازت نہ دی جائے۔