اسحاق ڈار اور مراکشی وزیر خارجہ کے درمیان ٹیلیفونک رابطہ، دوطرفہ تعاون پر تبادلہ خیال

ترجمان دفتر خارجہ کے مطابق نائب وزیراعظم اور وزیر خارجہ اسحاق ڈار کا مراکش کے وزیر خارجہ معالی ناصر بوریطہ سے ٹیلیفونک رابطہ ہوا۔

گفتگو کے دوران دونوں وزرائے خارجہ نے اقوام متحدہ کی جنرل اسمبلی کے حالیہ اجلاس کے موقع پر نیویارک میں ہونے والی ملاقات پر تبادلہ خیال کیا۔

دونوں رہنماؤں نے باہمی دلچسپی کے تمام شعبوں میں دوطرفہ تعاون کو مزید فروغ دینے کے عزم کا اعادہ کیا، اور مستقبل میں روابط کو وسعت دینے پر اتفاق کیا۔

وزیر خارجہ اسحاق ڈار نے اپنے مراکشی ہم منصب کو پاکستان کے سرکاری دورے کی دعوت دی، جسے ناصر بوریطہ نے قبول کر لیا۔