سونا مسلسل دوسرے روز ہزاروں روپے سستا ، فی تولہ کتنے کا ہو گیا؟

کراچی :عالمی ومقامی مارکیٹوں میں مسلسل دوسرے روز سونے کی قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز مقامی مارکیٹوں میں 24 گرام فی تولہ سونے کی قیمت میں  3500 روپے کی کمی ہوئی ہے جس کے سونےکی نئی قیمت کم ہو کر 4 لاکھ 33 ہزار 862 روپے کی سطح پر آگئی۔

ایسوسی کے مطابق اسی طرح 10گرام سونے کی قیمت میں بھی  3001 روپے کی کمی ہوئی ہے جس کے بعددس گرام سونے کی نئی قیمت کم ہو کر 371966 روپے ہوگئی ہے۔

دوسری جانب عالمی بلین مارکیٹ میں  فی اونس سونے کی قیمت میں 35 ڈالر کی کمی ہوئی ہے جس کے سونے کی نئی قیمت 4115 ڈالر فی اونس ہو گئی ہے۔

واضح رہے کہ گزشتہ روزعالمی مارکیٹ میں سونا 85 ڈالر سستاہوکر 4150 ڈالر فی اونس تک گرگیا تھا ۔ ایک تولہ سونے کی قیمت 4 لاکھ 37 ہزار 362 روپے ہوگئی تھی جبکہ دس گرام سونا 6463 روپے سستا ہوکر 3 لاکھ 74 ہزار 967 روپےفی تولہ ہوگیاتھا۔