نوتال کے قریب جعفر ایکسپریس پر راکٹ حملہ

نوتال کے قریب جعفر ایکسپریس پر راکٹ حملہ کیا گیا۔

پولیس حکام کے مطابق، کوئٹہ سے پشاور جانے والی جعفر ایکسپریس پر نوتال کے قریب راکٹ فائر کیا گیا، تاہم حملے میں کسی جانی نقصان کی اطلاع نہیں ملی۔

پولیس کا کہنا ہے کہ سکیورٹی فورسز نے جوابی کارروائی کی، مگر حملہ آور موقع سے فرار ہونے میں کامیاب ہو گئے۔

ذرائع کے مطابق، واقعے کے بعد علاقے میں سکیورٹی فورسز کا سرچ آپریشن جاری ہے۔

پولیس حکام نے مزید بتایا کہ جعفر ایکسپریس بحفاظت ڈیرہ مراد جمالی پہنچ گئی ہے۔