سیکیورٹی فورسز کی بروقت کارروائی ، پاک افغان سرحد سے دراندازی کرنے والے 4 خارجی جہنم واصل

راولپنڈی : سیکیورٹی فورسز نے بروقت کارروائی کرتے ہوئے پاک افغان سرحد پار سے دراندازی کی کوشش کرنے والے4 خارجی دہشتگردوں کوجہنم واصل کر دیا،مارے جانے والوں  میں خارجی رہنما امجد عرف مزاحم بھی شامل ہیں۔

پاک فوج کے شعبہ تعلقات عامہ (آئی ایس پی آر) کے مطابق امجد، خارجی نور ولی کا نائب اور رہبری شوریٰ کا سربراہ تھا، اور اس کے سر کی قیمت 50 لاکھ روپے مقرر تھی۔

آئی ایس پی آر نے بتایا کہ امجد افغانستان میں رہ کر پاکستان مخالف کارروائیوں میں ملوث تھا،جبکہ پاکستان نے افغان حکام سے کئی مرتبہ مطالبہ کیا ہے کہ افغان سرزمین کو پاکستانی مخالف سرگرمیوں کے لیے استعمال نہ ہونے دیا جائے۔

آئی ایس پی آر نے کہا کہ افغان سرزمین میں موجود فتنہ الخوارج کی قیادت پاکستان میں دراندازی کی کوششوں میں ملوث ہے،پاکستان نے مطالبہ کیا ہے کہ افغان سرزمین کو پاکستانی مخالف سرگرمیوں کے لیے استعمال نہ ہونے دیا جائے۔

بیان میں ترجمان پاک فوج نے مزید کہا ہے کہ پاکستانی فورسز ملکی سرحدوں کے دفاع کے لیے مکمل طور پر پرعزم ہیں،اورآپریشن ، ’’عزمِ استحکام‘‘ کے تحت انسدادِ دہشتگردی آپریشنز بھرپور انداز میں جاری رہیں گے۔