مسلسل عدم پیشی پر عدالت نے چھٹی بار علیمہ خان نے ناقابل ضمانت وارنٹ گرفتاری جاری کر دیے

راولپنڈی:26 نومبر احتجاج کیس میں بانی پی ٹی آئی کی ہمشیرہ علیمہ خان آج بھی عدالت پیش نہ ہوئیں اوران کے چھٹی بار ناقابل ضمانت وارنٹ گرفتاری جاری ہوگئے۔

تفصیلات کے مطابق26 نومبر احتجاج کیس کی سماعتانسداد دہشت گردی عدالت (اے ٹی سی)کے جج امجد علی شاہ نے کی،عدالت نے علیمہ خان کے بینک اکاؤنٹ فریز کرنے کے حوالے سے سٹیٹ بنک سے جواب طلب کر لیا۔

سماعت کے سلسلے میں دیگر 10 ملزمان اور استغاثہ کے گواہان عدالت میں پیش ہوئے جب کہ سپیشل پراسیکیوٹر ظہیر شاہ بھی ٹیم کے ہمراہ عدالت میں موجود تھے۔

اس کے علاوہ نادرا نے عدالت میں رپورٹ جمع کرائی جس میں بتایاگیا ہےکہ علیمہ خان کے پاسپورٹ اور شناختی کارڈ بلاک کیے گئے ہیں۔

دوسری جانب 26 نومبر کے احتجاج کے دوران گاڑی کی سپرداری کے حوالے سے پیش ہونے والا ملزم عارف مچلکہ پیش نہ کرسکا ،عدالت نے گاڑی کے مالک عارف کو جیل بھیج دیا۔