زائرین کیلئے اچھی خبر، ایران ایئر نے مشہد، زاہدان اور کوئٹہ کے لئے پروازوں کاآغاز کردیا

تہران:پاکستان ایران جانے والے زائرین کیلئے اچھی خبر سامنے آئی ہے، ایران ایئر نے مشہد، زاہدان اور کوئٹہ کے لئے پروازوں کاآغاز کردیا۔

تفصیلات کے مطابق ایران ایئر کی فلائٹ 826 گزشتہ رات کوئٹہ پہنچی، جہاںگورنر بلوچستان جعفر خان مندوخیل نے افتتاحی تقریب میں شرکت کی،جبکہ اس موقع پر ایرانی کونسل جنرل بھی پر موجود تھے۔

پاکستان ایئرپورٹس اتھارٹی کی جانب سے بیان میں کہا گیا ہے کہ ایران ایئر کی پہلی پرواز کو واٹر کینن سے سلامی دیکر خیرمقدم کیا گیا، ایران ایئر کی ہفتہ وار پرواز ہر بدھ رات ساڑے 9 بجے کوئٹہ پہنچے گی۔

خیال رہے کہ اس سے قبل ایئر لائن نے مشہد سے لاہور کے درمیان پرواز کے آغاز کا اعلان کیا تھا، ایران ایئر لاہور کے لیے ہفتہ وار ایک پرواز آپریٹ کرے گی، پروازوں کا باقاعدہ آغاز 29 اکتوبر سے کردیا گیا ہے۔