ایک روز کے اضافے کے بعد سونا آج پھر سستا،فی تولہ کتنے کا ہو گیا؟

کراچی : ایک روز کے اضافے کے بعد عالمی و مقامی مارکیٹوں میں سونے کی قیمت میں آج پھر نمایاں کمی ریکارڈ کی گئی۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں سونے کے فی تولہ نرخ میں 1600 روپے کی کمی ریکارڈ کی گئی ہے جس کے بعد سونے کی نئی قیمت 4 لاکھ 22 ہزار 562 روپے ہو گئی ہے۔

ایسوسی ایشن کے مطابق اسی طرح دس گرام سونے کے نرخ میں 1372 روپے کمی ہوئی ہے جس کے بعد دس گرام سونا 3 لاکھ 62 ہزار 278 روپے کی سطح پر آ گیا ہے۔

دوسری جانب عالمی بلین مارکیٹ میں سونے کے نرخ میں 16 ڈالر کمی ہونے سے فی اونس سونے کا نرخ 4002 ڈالر ہو گیا ہے۔

خیال رہے کہ گزشتہ روز سونے کی قیمت میں 5 ہزار 300 روپے فی تولہ مہنگا ہوا تھا۔