لاہور کے بعد اسموگ نے دیگر شہروں کا بھی رخ کر لیا، فضائی آلودگی میں گوجرانوالہ سرفہرست

ویب ڈیسک: صوبائی دارالحکومت کے بعد اسموگ نے پنجاب کے دیگر شہروں کی طرف بھی رخ کر لیا، لاہور کے بعد گوجرانوالہ بھی فضائی آلودگی میں سر فہرست آ گیا۔

تفصیلات کے مطابق صوبائی دارالحکومت لاہور کی فضا آج بھی انتہائی آلودہ رہی، ایئر کوالٹی انڈیکس 351تک پہنچ گیا۔

جبکہ پاکستان میں گوجرانوالہ سب سے آلودہ ترین شہر بن گیا، اے کیو آئی 521 ریکارڈ کیا گیا،اسی طرح فیصل آبادمیں اے آئی کیو275، ملتان میں 273ریکارڈ کیا گیا۔

طبی ماہرین نے شہریوں کو ماسک کا استعمال یقینی بنانے کی ہدایت کردی۔

دوسری جانب صوبائی حکومت کی جانب سے آلودگی پھیلانے میں ملوث افراد کیخلاف صوبے بھر میں کریک ڈاؤن جاری رہا، 22 مقدمات درج کرکے قانون شکن گرفتار کر لئے گئے۔