میکسیکو کے صدر لوپیز اوبرادوربھی کورونا وائرس سے متاثر

تفصیلات کے مطابق  67  سالہ میکسیکن صدر میں  کورونا کی ہلکی علاما ت ہیں اور تشخیص کے بعد انہوں نے خود کو قرنطینہ کر لیا ہے ۔صدر  آندریز لوپیز اوبرادور کاکہنا ہے  کہ وہ گھر سے کام جاری رکھیں گے ،  جس میں  روسی صدر ولادی میر پوتن سے کورونا ویکسین " سپٹنک 5 "  کی فراہمی سے متعلق  بات چیت بھی شامل ہے ۔ لوپیز نے روسی  ویکسین کے مؤثر ثابت ہونے پر  12 ملین خوراکیں حاصل کرنے کاارادہ ظاہر کیا تھا ۔ اگرچہ حکام نے ابھی تک وسیع پیمانے پر روس کی تیارکردہ  ویکسین کی منظوری نہیں دی ہے ، لیکن 128 ملین آبادی کے لئے حکومت  ویکسی نیشن پروگرام کو بڑھانا چاہتی  ہیں۔ میکسیکو کو برطانیہ کی فائزر-بائیو ٹیک کی بھی ترسیل میں تاخیر کا سامنا ہے۔

خیال رہے کہ میکسیکو میں کوروناسے متاثرہ افراد کی تعداد میں اضافہ ہوا ہے جبکہ ہلاکتوں کی تعداد ایک لاکھ 50ہزار تک جاپہنچی ہے ۔ جنوری 2019 کے بعد سے اب تک 1.75 ملین کورونا کیسز رپورٹ ہوئے ہیں ۔

واضح رہے کہ اس سے قبل فرانسیسی صدر ایمانوئیل میخرون ، برطانوی وزیراعظم بورس جانسن اور امریکی صدر ڈونلڈ ٹرمپ بھی اس وائرس کا شکار  چکے ہیں۔برطانوی وزیراعظم گزشتہ  برس 27 مارچ کو اس وبا میں مبتلا ہوئے  اور حالت خاصی بگڑ جانے پر تین  روز تک آئی سی یو میں بھی رہے تھے۔  امریکی صدر ڈونلڈ ٹرمپ اور ان کی اہلیہ اکتوبر میں اس وقت کورونا وبا کا شکار بنے جب امریکی صدارتی انتخابات کی مہم جاری  تھی۔